ធនាគារប្រៃសណីយ៍កម្ពុជា មានមោទកភាព ដែលបានក្លាយជា «ដៃគូធនាគារផ្លូវការ» របស់ក្លិបបាល់ទាត់ ISI ដង្កោសែនជ័យ សម្រាប់រដូវកាល ២០២៦/២៧។
ពិធីចុះហត្ថលេខាលើអនុស្សរណៈនៃការយោគយល់គ្នារវាងស្ថាប័នទាំងពីរ បានធ្វើឡើងនៅអគារ ISI Tower នាថ្ងៃទី១៤ ខែសីហា ឆ្នាំ២០២៦ ដោយមានការចូលរួមពីថ្នាក់ដឹងនាំនៃស្ថាប័នទាំងពីរ គ្រូបង្វឹក កីឡាករ និងភ្ញៀវកិត្តិយសជាច្រើន។
លោក តូច ចៅចេក ប្រធាននាយកប្រតិបត្តិ ធនាគារប្រៃសណីយ៍កម្ពុជា បានមានប្រសាសន៍ថា ការចុះហត្ថលេខានៅក្នុងថ្ងៃនេះ គឺជាការចាប់ផ្តើមនៃភាពជាដៃគូរវាងស្ថាប័នខ្មែរពីរ ដែលមានចក្ខុវិស័យរួមគ្នា ក្នុងការគាំទ្រក្តីស្រមៃរបស់ប្រជាពលរដ្ឋកម្ពុជា និងចូលរួមចំណែក អភិវឌ្ឍប្រទេស ពិសេសវិស័យបាល់ទាត់នៅកម្ពុជាឱ្យបន្តរីកចម្រើន កាន់តែរឹងមាំ។
លោកបន្តថា «ធនាគារ ប្រៃសណីយ៍កម្ពុជា នឹងធ្វើការយ៉ាងជិតស្និទ្ធជាមួយ ISI ដង្កោសែនជ័យ និង ISI Group ដើម្បីបង្កើត និងអភិវឌ្ឍសកម្មភាពថ្មីៗបន្ថែមទៀតនៅថ្ងៃអនាគត។ យើងសង្ឃឹមថា រួមគ្នា យើងអាចជំរុញ និងលើកទឹកចិត្តយុវជនកម្ពុជាកាន់តែច្រើន ឱ្យហ៊ានដើរតាមក្តីស្រមៃរបស់ពួកគេ ចូលរួមក្នុងវិស័យកីឡា មានសុខភាពល្អ និងជឿជាក់លើសមត្ថភាពរបស់ខ្លួន។ ក្នុងនាមជា ធនាគារខ្មែរ១០០% យើងមានមោទនភាពក្នុងការចូលរួមចំណែក មិនត្រឹមតែការអភិវឌ្ឍវិស័យហិរញ្ញវត្ថុរបស់កម្ពុជាប៉ុណ្ណោះទេ ថែមទាំងចូលរួមលើកស្ទួយកីឡាបាល់ទាត់ខ្មែរផងដែរ។»
🏦 ធនាគារ ប្រៃសណីយ៍កម្ពុជា— មោទកភាពធនាគាររបស់ខ្មែរ រួមអភិវឌ្ឍវិស័យបាល់ទាត់ខ្មែរ!!!
⚽️ ក្លិបបាល់ទាត់ អាយអេសអាយ ដង្កោសែនជ័យ — កសាងសហគមន៍ឱ្យកាន់តែប្រសើរតាមរយៈបាល់ទាត់។
រួមគ្នាកសាង | រួមគ្នារីកចម្រើន | រួមគ្នាឆ្ពោះទៅមុខ
