ធនាគារ ប្រៃសណីយ៍កម្ពុជា ចាប់ដៃគូសហការជាមួយ AION Cambodia ដែលជាក្រុមហ៊ុនផ្តាច់មុខ នៃអាជីវកម្មយានយន្តអគ្គិសនី (EV) ម៉ាក AION។
ពិធីចុះហត្ថលេខាលើអនុស្សរណៈយោគយល់គ្នារវាងស្ថាប័នទាំងពីរ បានប្រព្រឹត្តឡើងនៅថ្ងៃទី០៣ ខែកញ្ញា ឆ្នាំ២០២៦ នៅ Showroom របស់ AION Cambodia។
កិច្ចសហប្រតិបត្តិការនេះ គឺជាជំហានដ៏សំខាន់មួយក្នុងការគាំទ្រការប្រើប្រាស់យានយន្តអគ្គិសនីក្នុងប្រទេសកម្ពុជា និងការផ្តល់ជូននូវដំណោះស្រាយហិរញ្ញវត្ថុបៃតង កាន់តែងាយស្រួលដល់អតិថិជនគោលដៅរបស់ក្រុមហ៊ុនទំាងពីរ ក្រោមទស្សនទានមួយគឺ៖ “យើងរួមគ្នាបង្កើតសហគមន៍បៃតង តាមរយៈជម្រើសនៃដំណោះស្រាយហិរញ្ញប្បទានបៃតង សម្រាប់មធ្យោយបាយធ្វើដំណើរបៃតង និងប្រភពថាមពលបៃតង”។
នាឱកាសពិធីបុណ្យកាន់បិណ្ឌ និងភ្ជុំបិណ្ឌប្រពៃណីជាតិខ្មែរ ខាងមុខនេះ ធនាគារប្រៃសណីយ៍កម្ពុជា នឹងផ្តល់នូវលក្ខខណ្ឌពិសេស និងមានប្រូម៉ូសិនជាច្រើន សម្រាប់ការផ្តល់ឥណទានទិញរថយន្តម៉ាកAION ក្រោមកិច្ចសហការនេះ។
