ម៉ាស៊ីនអេធីអឹម/សេវាដាក់ប្រាក់

ម៉ាស៊ីនអេធីអឹម

ម៉ាស៊ីនអេធីអឹមរបស់CPBank ត្រូវបានបំពាក់ដោយបច្ចេកវិទ្យាទំនើប ហើយអាចប្រើប្រាស់បានជាមួយ magnetic strip និង Chip Card។ អតិថិជនរបស់យើងអាចធ្វើប្រតិបត្តិការហិរញ្ញវត្ថុ និងមិនមែនហិរញ្ញវត្ថុ ដោយមានសុវត្ថិភាពខ្ពស់ និងភាពងាយស្រួលបំផុត។ ការវិនិយោគលើបណ្តាញ អេធីអឹមគឺជាគន្លឹះនៃភាពជោគជ័យសម្រាប់ CPBank ប៉ុន្តែយើងធ្វើខុសពីធនាគារផ្សេងទៀត។ យើងសង្កត់ធ្ងន់លើភាពងាយស្រួល និងសុវត្ថិភាពសម្រាប់អតិថិជនដើម្បីការពារព័ត៌មានអតិថិជន ដែលជាម្ចាស់ប័ណ្ណអេធីអឹម។

សេវាកម្មហិរញ្ញវត្ថុរួមទាំង៖

សមតុល្យគណនី
របាយការណ៍ហិរញ្ញវត្ថុ
ដកប្រាក់
ផ្ញើប្រាក់ទៅធនាគារក្នុងស្រុក
ផ្ញើប្រាក់ទៅធនាគារក្រៅស្រុក
ទូទាត់វិក្កយបត្រ
បញ្ចូលទឹកប្រាក់ទូរស័ព្ទ
ទទួលសារផ្តល់ដំណឹង

ជាមួយប្រព័ន្ធ CSS, ម៉ាស៊ីនអេធីអឹមរបស់ធនាគារ ប្រៃសណីយ៍កម្ពុជា អាចប្រើប្រាស់ ដើម្បីដកប្រាក់ទូទាំងប្រទេស ដោយប្រើប្រាស់ បណ្ណអេធីអឹមរបស់ធនាគារផ្សេងៗ ដែលជាសមាជិកក្នុងប្រព័ន្ធ CSS។ ដោយឡែក សេវាដកប្រាក់តាមប្រព័ន្ធ CSS ត្រូវបានលើកលែងសម្រាប់សម្រាប់អ្នកប្រើប្រាស់បណ្ណ CSS របស់ធនាគារកាណាឌីយាំ គ្រឹះស្ថានមីក្រូហិរញ្ញវត្ថុ អេ អឹម ខេ និងគ្រឺះស្ថានមីក្រូហិរញ្ញវត្ថុអម្រឹត ដើម្បីដកប្រាក់ជាមួយម៉ាស៊ីនអេធីអឹមរបស់ធនាគារ ប្រៃសណីយ៍កម្ពុជា ។

សេវាដាក់ប្រាក់

CPBank ផ្តល់ជូនអតិថិជននូវមធ្យោបាយជាច្រើនលើសេវាដាក់ប្រាក់ចូលក្នុងគណនីរួមមាន ការដាក់ប្រាក់តាមរយៈបណ្តាញប្រតិបត្តិការសាខា CPBank និងតាមរយៈបណ្តាញម៉ាស៊ីនដាក់ប្រាក់ទំនើប។ ក្រៅពីមធ្យោបាយខាងលើ CPBank ក៏បានពង្រីកសេវាដាក់ប្រាក់សម្រាប់អតិថិជនតាមរយៈភាពជាដៃគូជាមួយនឹងស្ថាប័នផ្តល់សេវាកម្មទូទាត់ប្រាក់ឈានមុខគេនៅកម្ពុជាផ្សេងៗទៀតផងដែរ។

រីករាយជាមួយនឹងការដាក់ប្រាក់ ឬបង់ប្រាក់កម្ចីតាមមធ្យោបាយដ៏ងាយស្រួលដូចខាងក្រោម៖

		CPBank មានបណ្តាញប្រតិបត្តិការចំនួន ៦៤ សាខាទូទាំងប្រទេស។ លោកអ្នកអាចដាក់ប្រាក់ចូលក្នុងគណនីតាមរយៈបញ្ជរបេឡាករនៅតាមបណ្តាញប្រតិបត្តិការសាខាណាមួយដែលនៅជិតលោកអ្នកបំផុត។
		CPBank មានម៉ាស៊ីនអេធីអឹមជាង ១៥៦ ដែលកំពុងប្រតិបត្តិការនៅទូទាំងប្រទេស និងមានម៉ាស៊ីនដាក់ប្រាក់ទំនើបចំនួន ១០ ដែលលោកអ្នកអាចដាក់ប្រាក់ចូលក្នុងគណនីតាមរយៈម៉ាស៊ីនដាក់ប្រាក់ទាំង ១០ ទីតាំងនេះបាន ២៤ម៉ោងលើ២៤ម៉ោង និងមិនគិតថ្លៃសេវា។

ក្រោយពីដាក់ប្រាក់ចូលគណនីរួច លោកអ្នកអាចត្រួតពិនិត្យមើលទឹកប្រាក់បានយ៉ាងងាយស្រួល និងមានសុវត្ថិភាពតាមរយៈ CPBank Mobile Banking។ ទាញយក CPBank Mobile Banking ដោយឥតគិតថ្លៃ និងបើកដំណើរការឥឡូវនេះ។

CPBank កំពុងបន្តបង្កើនបណ្តាញប្រតិបត្តិការសាខា ម៉ាស៊ីនដាក់ប្រាក់ទំនើប និងការសហការជាមួយស្ថាប័នជាប់ពាក់ព័ន្ធជាច្រើនទៀត ដើម្បីផ្តល់ភាពងាយស្រួលសម្រាប់សេវាដាក់ប្រាក់របស់អតិថិជន។