Author: Vathana Chan

ការប្រកួតវគ្គផ្តាច់ព្រ័ត្រ បានរៀបចំឡើងនៅថ្ងៃទី៥ ខែកក្កដា ឆ្នាំ២០១៦ នៅខេត្តសៀមរាប។

ធនាគារក៏សូមអបអរសាទរ
-ក្រុមជើងឯករង គឺសាខាបឹងទំពុន
– ក្រុមចំណាត់ថ្នាក់លេខ៣ គឺសាខាសៀមរាបផ្សារលើ
-និងក្រុមចំណាត់ថ្នាក់លេខ៤ គឺសាខាក្រុងបាត់ដំបង!

គួរបញ្ជាក់ផងដែរថា ការប្រកួតដណ្តើម«ពានរង្វាន់ធនាគារប្រៃសណីយ៍កម្ពុជា ឆ្នាំ២០១៦» គឺជាការប្រកួតរវាងសាខាទាំង៦៤របស់ ធនាគារប្រៃសណីយ៍កម្ពុជា ដោយបែងចែកជា១៦ពូល ដោយក្រុមឈ្នះត្រូវបន្តជួបក្រុមឈ្នះ រហូតដល់វគ្គផ្តាច់ព្រ័ត្រ។

ការប្រកួតវគ្គផ្តាច់ព្រ័ត្រនៅលើទីលានបានបញ្ចប់ ប៉ុន្តែមិត្តភាព និងភាតរភាពរបស់មហាគ្រួសារ CPBankនៅតែបន្ត! កីឡានាំមកនូវសុខភាព និងសាមគ្គីភាព!

 

 

 

 

 

 

 

ធនាគារ ប្រៃសណីយ៍កម្ពុជា បានរៀបចំកិច្ចប្រជុំបូកសរុបលទ្ធផលការងារប្រចាំឆមាសទី១ និងទិសដៅការងារឆមាសទី២ ឆ្នាំ២០២៦ នៅថ្ងៃ ថ្ងៃសៅរ៍ ទី៤ ខែកក្កដា ឆ្នាំ២០២៦ នៅសណ្ឋាគារ សោមាទេវី អង្គររីសត និងស្ប៉ា ខេត្តសៀមរាប ក្រោមអធិបតីភាពដ៏ខ្ពង់ខ្ពស់របស់លោក តូច ចៅចេក ប្រធាននាយកប្រតិបត្តិ និងមានការចូលរួមពីគណៈគ្រប់គ្រងជាន់ខ្ពស់ ព្រមទាំងនាយក នាយិកាសាខាទាំងអស់របស់ធនាគារ ប្រៃសណីយ៍កម្ពុជា។

ក្នុងកិច្ចប្រជុំនេះ គណៈគ្រប់គ្រងជាន់ខ្ពស់របស់ធនាគារ បានចែករំលែកលទ្ធផលការងារ យុទ្ធសាស្រ្ត និងចំណេះ ជំនាញបន្ថែមដល់អ្នកចូលរួមទាំងអស់ ដើម្បីជាដើមទុនបន្ថែមក្នុងការរុញច្រានធនាគារ ប្រៃសណីយ៍កម្ពុជា ឲ្យរីកចម្រើនប្រកបដោយនិរន្តរភាព និងសម្រេចគោលដៅក្លាយជាធនាគារពាណិជ្ជធំទី៥ នៅក្នុងប្រទេសកម្ពុជា។

 

 

 

 

 

 

ធនាគារ ប្រៃសណីយ៍កម្ពុជា បានបរិច្ចាគថវិកាចំនួន ៤០លានរៀល ដើម្បីគាំទ្រយុទ្ធនាការ «១ម៉ឺនរៀល ១ម៉ឺននាក់» ឆ្នាំ២០២៦ របស់មូលនិធីគន្ធបុប្ផាកម្ពុជា ដែលផ្តួចផ្តើមដោយ លោកជំទាវ ពេជ ចន្ទមុន្នី ហ៊ុនម៉ាណែត ប្រធានកិត្តិយសនៃមូលនិធិគន្ធបុប្ផាកម្ពុជា។

ថវិកាសរុប ៤០លានរៀលនេះ មួយចំណែកបានមកពីការបរិច្ចាគពីសប្បុរសជនតាមរយៈ CPBank KHQR និងមួយចំណែកធំបានពីការបរិច្ចាគបន្ថែមរបស់ ធនាគារ ប្រៃសណីយ៍កម្ពុជា។

លោក តូច ចៅចេក ប្រធាននាយកប្រតិបត្តិ ធនាគារ ប្រៃសណីយ៍កម្ពុជា បានដឹកនាំគណៈគ្រប់គ្រងធនាគារ ពាំនាំថវិកាមកប្រគល់ជូនមូលនិធិ នាព្រឹកថ្ងៃទី២ ខែកក្កដា ឆ្នាំ២០២៦ នៅក្នុងមន្ទីពេទ្យគន្ធបុប្ផាភ្នំពេញ។

ក្រៅពីបានចូលរួមបរិច្ចាគ និងរៃអង្គាសថវិកាក្នុងយុទ្ធនាការ «១ម៉ឺនរៀល ១ម៉ឺននាក់» ធនាគារ ប្រៃសណីយ៍កម្ពុជា និងបុគ្គលិក ក៍តែងស្ម័គ្រចិត្តបរិច្ចាគថវិកា ជូនមូលនិធិគន្ធបុប្ផាកម្ពុជា ប្រចាំខែផងដែរ ដោយគិតត្រឹមឆ្នាំ២០២៦នេះ ធនាគារ និងបុគ្គលិក បានបរិច្ចាគថវិកាសរុបប្រមាណ ២២ម៉ឺនដុល្លាររួចមកហើយ។

ធនាគារ ប្រៃសណីយ៍កម្ពុជា សូមថ្លែងអំណរគុណយ៉ាងជ្រាលជ្រៅដល់បុគ្គលិក អតិថិជន និងសប្បុរសជនទាំងអស់ ដែលបានចូលរួមបរិច្ចាគជូនមូលនិធិគន្ធបុប្ផាកម្ពុជា តាមរយៈ CPBank KHQR។ អំណោយសប្បុរសធម៌នេះ នឹងចូលរួមចំណែកយ៉ាងសំខាន់ក្នុងការគាំទ្រមន្ទីរពេទ្យកុមារគន្ធបុប្ផា ក្នុងការបន្តផ្តល់សេវាពិនិត្យ និងព្យាបាលទារក និងកុមារកម្ពុជា ប្រកបដោយវិជ្ជាជីវៈ និងដោយឥតគិតថ្លៃសេវា។
រួមគ្នាដើម្បីបន្តស្នាមញញឹមកុមារកម្ពុជា!

នាព្រឹកថ្ងៃទី ២០ ខែមិថុនា ឆ្នាំ ២០២៦ នេះ ធនាគារ ប្រៃសណីយ៍កម្ពុជា បានចូលរួមជាអ្នកឧបត្ថម្ភគាំទ្រ ក្នុងយុទ្ធនាការ “ជ្រោយចង្វារបេយ៍ផ្ទះយើង” ដែលជាប្រមូលផ្តុំគ្នាដោយស្ម័គ្រចិត្តដើម្បីសម្អាតបរិស្ថាន និងដាំដើមឈើ ក្នុងទីតាំងគម្រោងអភិវឌ្ឍន៍ ជ្រោយចង្វារបេយ៍ (Chroy Changvar Bay)។ យុទ្ធនាការដ៏មានអត្ថន័យនេះ ត្រូវបានផ្តួចផ្តើម និងរៀបចំឡើងដោយ ក្រុមហ៊ុន OCIC Group ក្នុងគោលបំណងលើកកម្ពស់សោភ័ណភាពសហគមន៍ និងជំរុញការរស់នៅប្រកបដោយសុខភាពល្អ និងផាសុកភាព។

លើសពីការផ្តល់ការឧបត្ថម្ភគាំទ្រ ថ្នាក់ដឹកនាំ និងបុគ្គលិកគ្រប់ជាន់ថ្នាក់របស់ ធនាគារ ប្រៃសណីយ៍កម្ពុជា បានរួមគ្នាចុះប្រតិបត្តិការផ្ទាល់ ប្រដាប់ដោយសម្ភារៈសម្អាត ដើរប្រមូលសំណល់ប្លាស្ទិក និងរួមដៃគ្នាដាំកូនឈើដោយផ្ទាល់ដៃផងដែរ។

សកម្មភាពទាំងនេះ មិនត្រឹមតែបាននាំមកនូវថាមពលវិជ្ជមាន និងស្នាមញញឹមប៉ុណ្ណោះទេ ថែមទាំងបានបង្ហាញយ៉ាងច្បាស់ពីស្មារតីសាមគ្គីភាព និងការផ្សារភ្ជាប់ទំនាក់ទំនងយ៉ាងស្អិតរមួតជាមួយសហគមន៍។

ព្រឹត្តិការណ៍នាថ្ងៃនេះ បានឆ្លុះបញ្ចាំងយ៉ាងច្បាស់ពីការយកចិត្តទុកដាក់ និងការអនុវត្តការទទួលខុសត្រូវខ្ពស់ចំពោះសង្គម (CSR) របស់ ធនាគារ ប្រៃសណីយ៍កម្ពុជា។ ធនាគារ ប្រៃសណីយ៍កម្ពុជា នៅតែបន្តប្រកាន់ខ្ជាប់នូវទស្សនៈវិស័យដែលថា “បរិស្ថានស្អាត និងធម្មជាតិបៃតង គឺផ្តើមចេញពីយើងទាំងអស់គ្នា” ហើយធនាគារប្តេជ្ញានឹងបន្តគាំទ្រសកម្មភាពនានាដែលផ្តល់ប្រយោជន៍ជាវិជ្ជមានដល់សង្គម និងបរិស្ថានជាបន្តបន្ទាប់ទៀត។

 

 

ធនាគារ​ ប្រៃសណីយ៍កម្ពុជា ធនាគារ​កាណាឌីយ៉ា និង​មន្ទីរពេទ្យ អ៊ីនធ័រឃែរ ដែល​ជាក្រុមហ៊ុនបុត្រសម្ព័ន្ធរបស់ កាណាឌីយ៉ា អ៊ិនធើហ្គ្រេធីត គ្រុប បាន​រួមគ្នា​ចុះហត្ថលេខាលើអនុស្សរណៈនៃការយោគយល់គ្នា ជាមួយ មជ្ឈមណ្ឌលវេជ្ជសាស្ត្រ សាន់វេ  ដែលជាផ្នែកមួយនៃក្រុមហ៊ុន Sunway Healthcare Group របស់ប្រទេសម៉ាឡេស៊ី ដើម្បីពង្រឹងសេវាថែទាំសុខភាពនៅក្នុងប្រទេសកម្ពុជា។

កិច្ចព្រមព្រៀងរវាង​ធនាគារ ​ប្រៃសណីយ៍កម្ពុជា និង​មជ្ឈមណ្ឌលវេជ្ជសាស្ត្រ សាន់វេ  ត្រូវបានចុះហត្ថលេខា​​នៅ​ថ្ងៃទី​៧ ខែឧសភា ឆ្នាំ​២០២៦ នៅ​ក្នុង​អាកាសយានដ្ឋានអន្តរជាតិតេជោ ដោយ លោកតូច ចៅចេក ប្រធាននាយក​ប្រតិបត្តិ ធនាគារ​ប្រៃសណីយ៍កម្ពុជា និងលោកវេជ្ជបណ្ឌិត Khoo Chow Huat នាយកគ្រប់គ្រងក្រុមហ៊ុន Sunway Healthcare Group ក្រោមវត្តមានរបស់ឯកឧត្តម Shaharuddin Onn ឯកអគ្គរដ្ឋទូតម៉ាឡេស៊ីប្រចាំព្រះរាជាណាចក្រកម្ពុជា។

តាមរយៈភាពជាដៃគូនេះ អតិថិជនរបស់ ធនាគារ ប្រៃសណីយ៍កម្ពុជា នឹងទទួលបានអត្ថប្រយោជន៍ និងការផ្តល់ជូនពិសេសផ្នែកសុខាភិបាលនៅមជ្ឈមណ្ឌលវេជ្ជសាស្ត្រ Sunway ព្រមទាំងភាពងាយស្រួលក្នុងការទទួលសេវាពិគ្រោះជាមួយវេជ្ជបណ្ឌិតឯកទេស ការសម្របសម្រួលការព្យាបាល និងការចូលប្រើប្រាស់ជម្រើសនៃការព្យាបាលវេជ្ជសាស្ត្រតាមបច្ចេកវិទ្យចុងក្រោយនៅមន្ទីរពេទ្យ អុីនធ័រឃែរ ដោយផ្តល់នូវភាពងាយស្រួល អត្ថប្រយោជន៍បន្ថែម និងទំនុកចិត្តខ្ពស់ ក្នុងដំណើរការថែទាំសុខភាពរបស់ពួកគេ។

 

 

 

 

 

 

 

 

ធនាគារប្រៃសណីយ៍កម្ពុជា ទទួលបានពានរង្វាន់ «សហគ្រាសមួយ ជាសហគមន៍សុខសាន្តមួយ» ប្រភេទ “មាស” ប្រចាំឆ្នាំ ២០២៦ ពីក្រសួងការងារ និងបណ្ដុះបណ្ដាលវិជ្ជាជីវៈ ដែល​ជាការ​​​ទទួល​ស្គាល់​ថ្នាក់ជាតិ មក​លើ​ ធនាគារ​ ប្រៃសណីយ៍កម្ពុជា ដែល​បាន​បង្កើត​នូ​វ​វប្បធម៌អនុលោមភាពតាម​ច្បាប់​ និង​បាន​ចូលរួម​ចំណែក​លើក​កម្ពស់​សុខដុម​នីយកម្ម​នៃ​ទំនាក់​ទំនង​វិជ្ជា​ជីវៈ។

ពាន​រង្វាន់​នេះ ត្រូវបាន​ប្រគល់ជូន​ធនាគារ​​ ក្រោមអធិបតីភាពដ៏ខ្ពង់ខ្ពស់បំផុតរបស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នៅថ្ងៃទី​២៦ ខែ​មេសា ឆ្នាំ​២០២៦ ក្នុង​កម្មវិធី​ជួបសំណេះសំណាលជាមួយថ្នាក់ដឹកនាំអង្គការវិជ្ជាជីវៈ ក្នុងឱកាសខួបអនុស្សាវរីយ៍ លើកទី ១៤០ នៃទិវាពលកម្មអន្តរជាតិ ១ ឧសភា ក្រោមប្រធានបទ “រួមគ្នាកសាងភាពធន់ ដើម្បីការងារសមរម្យ”។

 

 

 

 

 

 

 

 

ធនាគារ​ប្រៃសណីយ៍កម្ពុជាបានរៀបចំ​កម្មវិធី​ប្រកួត​ពាន​រង្វាន់​បាល់ទាត់ធនាគារ ឆ្នាំ២០២៦ ដើម្បីពង្រឹងចំណងមិត្តភាព សាមគ្គីភាព និងទំនាក់ទំនងរវាង​បុគ្គលិក​ទាំងអស់​តាម​រយៈកីឡា។

ពិធីបើកការប្រកួតពានរង្វាន់បាល់ទាត់នេះ បាន​ប្រារព្ធឡើង​នៅ​ល្ងាចថ្ងៃសុក្រ ទី១៣ ខែមីនា ឆ្នាំ២០២៦ ទីលានបាល់ទាត់ T-Soccer ដោយ​មានការចូលរួមដោយ​លោកតូច ចៅចេក ប្រធាននាយក​ប្រតិបត្តិ​ ធនាការ​ប្រៃសណីយ៍កម្ពុជា និង​តំណាងក្រុមកីឡាករ​ទាំង៦៤កុ្រម ដែល​មកសាខាទាំង​៦៤​របស់​ធនាគារ​ប្រៃសណីយ៍កម្ពុជា។

គួរបញ្ជាក់​ផងដែរថា ក្នុង​ការ​ប្រកួត​ដណ្តើម​ពានរង្វាន់​នេះ ​កីឡាករត្រូវបែកចែកជា១៦ពូល ដោយ​​​ក្នុង​១ពូល​ មាន​៤ក្រុម។ ក្រុមនីមួយៗ​ត្រូវ​ប្រកួតសន្សំពិន្ទុ​នៅ​ក្នុងពូល ដោយ​អ្នក​ឈ្នះ​ត្រូវ​បន្ត​ប្រកួតក្នុង​វគ្គចម្រុះ រហូត​ដល់​វគ្គ​ផ្តាច់​ព្រ័ត្រ ដោយ​ជ្រើសរើស​ក្រុម​ជើងឯកលេខ១ លេខ២ លេខ៣ និង​លេខ៤។

ធនាគារ​ប្រៃសណីយ៍កម្ពុជា ទទួលបានវិញ្ញាបនបត្រអនុលោមភាពសម្រាប់ក្របខ័ណ្ឌត្រួតពិនិត្យសន្តិសុខអតិថិជនប្រើសេវាផ្ទេរប្រាក់ក្រៅប្រទេសតាមប្រព័ន្ធ​ SWIFT (SWIFT Customer Security Controls Framework v2025)។

វិញ្ញាបនបត្រដ៏វិសេសនេះត្រូវបានវាយតម្លៃ និងប្រគល់ជូនដោយក្រុមហ៊ុន​ SISA Information Security Worldwide នៅថ្ងៃទី២២  ខែមករា ឆ្នាំ ២០២៦ នៅ​ស្នាក់ការកណ្តាល​របស់​ធនាគារ​ប្រៃសណីយ៍កម្ពុជា បន្ទាប់ពីឆ្លងកាត់ដំណើរការវាយតម្លៃយ៉ាងហ្មត់ចត់ និង​ឯករាជ្យ​ ដោយ​ផ្អែកលើភស្តុតាង វត្ថុតាង និងឯកសារនានា។

សមិទ្ធផលដ៏សំខាន់នេះសបញ្ជាក់ពីការយកចិត្តទុកដាក់ និងភាពល្អប្រសើររបស់ធនាគារប្រៃសណីយ៍កម្ពុជា ក្នុងការការពារព័ត៌មានសំខាន់ៗរបស់អតិថិជន ទន្ទឹមនឹងការរក្សាបាននូវបទដ្ឋានសុវត្ថិភាពខ្ពស់បំផុតជាសកល។

ធនាគារ ប្រៃសណីយ៍កម្ពុជា នៅតែប្តេជ្ញាចិត្តខ្ពស់ក្នុងការធានាថាព័ត៌មាន និងប្រតិបត្តិការរបស់អតិថិជនត្រូវបានការពារ និងមានសុវត្ថិភាព។ ធនាគារបន្តពង្រឹងផ្នែកបច្ចេកវិទ្យា និងវិធានការសុវត្ថិភាព ដើម្បីធានាថាការផ្ទេរប្រាក់អន្តរជាតិមានសុវត្ថិភាព និងងាយស្រួលសម្រាប់អតិថិជនទាំងអស់។

 

 

 

 

 

 

 

 

 

 

 

 

 

 

 

 

 

ធនាគារ ប្រៃសណីយ៍កម្ពុជា បានរៀបចំមហាសន្និបាតប្រចាំឆ្នាំលើកទី១២ ដែលបានប្រារព្ធឡើងនៅសណ្ឋាគារឯករាជ្យ ខេត្តព្រះសីហនុ នាថ្ងៃសៅរ៍ ទី១៧ ខែមករា ឆ្នាំ២០២៦ ក្រោមអធិបតីភាពដ៏ខ្ពង់ខ្ពស់របស់លោក តូច ចៅចេក ប្រធាននាយកប្រតិបត្តិ និងមានការចូលរួមពីគណៈគ្រប់គ្រងជាន់ខ្ពស់ នាយក នាយិកាទូទាំងប្រទេស។

មហាសន្និបាតនេះ ប្រារព្ធឡើងក្រោមគោលបំណងបូកសរុបលទ្ធផលការងារដែលសម្រេចបានក្នុងឆ្នាំ២០២៥ និងការកំណត់ផែនការយុទ្ធសាស្ត្រសម្រាប់ឆ្នាំ២០២៦។

មហាសន្និបាតនេះក៏បានផ្តល់ឱកាសដល់គណៈគ្រប់គ្រងទាំងអស់ក្នុងការពង្រឹងទំនាក់ទំនង និងកិច្ចសហការគ្នាដើម្បីបង្កើនគុណភាពនៃការគ្រប់គ្រងការងារឱ្យមានប្រសិទ្ធភាពខ្ពស់ ជាពិសេសការកំណត់ផែនការយុទ្ធសាស្រ្តធ្វើយ៉ាងណាឱ្យអតិថិជនទទួលបានការផ្តល់សេវាហិរញ្ញវត្ថុល្អបំផុត។

លើសពីនេះ គណៈគ្រប់គ្រង ក៏បានប្រគល់វិញ្ញាបនបត្រសរសើរជូនសាខាឆ្នើម ប្រចាំឆ្នាំ២០២៥ សម្រាប់កិច្ចខិតខំប្រឹងប្រែងក្នុងការសម្រេចបាននូវសមិទ្ធផលការងារបានយ៉ាងល្អប្រសើរ ផងដែរ។

 

 

 

 

 

 

 

 

 

 

 

 

 

 

 

 

 

លោកអ្នកឧកញ៉ាបណ្ឌិត ពុង ឃាវសែ ប្រធានក្រុមប្រឹក្សាភិបាល នៃធនាគារ ប្រៃសណីយ៍កម្ពុជា បានប្រកាសចូលរួមឧបត្ថម្ភថវិកាចំនួន ៣.០០០.០០០ ដុល្លារអាមេរិក (បីលានដុល្លារ) តាមរយៈ សម្តេចអគ្គមហាសេនាបតីតេជោ ហ៊ុន សែន ដើម្បីជួយដល់កងទ័ពជួរមុខ និងជនភៀសសឹក។

ការចូលរួមបរិច្ចាគថវិកាដ៏ច្រើនសន្ធឹកសន្ធាប់នេះ ធ្វើឡើងក្នុងគោលបំណងចម្បងដើម្បីជួយទ្រទ្រង់ និងលើកទឹកចិត្តដល់វីរកងទ័ពកម្ពុជាដ៏អង់អាចក្លាហាន ដែលកំពុងឈរជើងការពារបូរណភាពទឹកដីយ៉ាងរឹងមាំ នៅតាមបណ្តោយព្រំដែនកម្ពុជា-ថៃ។

 

 

 

 

 

 

 

 

 

 

 

 

 

 

 

 

 

 

 

តបតាមការអំពាវនាវដ៏ខ្ពង់ខ្ពស់របស់ លោកជំទាវទី១ និងក្រោមស្មារតី «ខ្មែរតែមួយ» នៅថ្ងៃទី០៩ ខែធ្នូ ឆ្នាំ២០២៥ គណៈគ្រប់គ្រង និងបុគ្គលិករបស់ធនាគារ ប្រៃសណីយ៍កម្ពុជា បានចូលរួមក្នុងពិធីបរិច្ចាគឈាមដោយស្ម័គ្រចិត្ត ដែលបានប្រារព្ធធ្វើឡើងនៅ សាកលវិទ្យាល័យការពារជាតិ។

សកម្មភាពមនុស្សធម៌នេះធ្វើឡើងក្នុងគោលបំណងបង្ហាញនូវសាមគ្គីភាព និងការគាំទ្រយ៉ាងពេញទំហឹងពីសំណាក់វិស័យឯកជន និងប្រជាពលរដ្ឋ ដើម្បីជាកម្លាំងចិត្តជូនដល់វីរកងទ័ពជួរមុខដែលកំពុងបំពេញបេសកកម្មការពារជាតិមាតុភូមិ។

ទន្ទឹមនឹងនេះ ថវិកានេះក៏នឹងត្រូវយកទៅប្រើប្រាស់ដើម្បីជួយសង្គ្រោះ និងផ្គត់ផ្គង់ដល់បងប្អូនប្រជាពលរដ្ឋដែលបានរងផលប៉ះពាល់ និងក្លាយជាជនភៀសសឹកផងដែរ។

 

 

 

 

 

 

 

 

 

 

 

 

 

 

 

 

 

 

 

ភ្នំពេញ, ថ្ងៃទី ២២ ខែវិច្ឆិកា ឆ្នាំ ២០២៥ — ធនាគារ ប្រៃសណីយ៍កម្ពុជា (CPBank) បានចូលរួមឧបត្ថម្ភព្រឹត្តិការណ៍ “រត់ដើម្បីកុមារកម្ពុជា” ដែលរៀបចំដោយគម្រោងពាណិជ្ជកម្ម ទីក្រុងជ្រោយចង្វារ ក្នុងគោលបំណងរួមចំណែកសង្គម និងលើកកម្ពស់សុខុមាលភាពកុមារ។

ក្រៅពីការឧបត្ថម្ភផ្លូវការ ថ្នាក់ដឹកនាំ និងបុគ្គលិករបស់ធនាគារ ប្រមាណ ១៥០ នាក់ ក៏បានចូលរួមរត់ក្នុងចម្ងាយ ៥ គីឡូម៉ែត្រ ដើម្បីបង្ហាញពីកម្លាំងសាមគ្គី និងការប្តេជ្ញាចិត្តក្នុងការគាំទ្រកុមារកម្ពុជា។

ព្រឹត្តិការណ៍នេះមានគោលបំណងរៃអង្គាសថវិកាតាមរយៈការឧបត្ថម្ភពីដៃគូអាជីវកម្ម និងការលក់សំបុត្រជូនសាធារណៈជន។ ថវិកា ១០០% ដែលប្រមូលបាន នឹងបរិច្ចាគជូន មន្ទីរពេទ្យគន្ធ បុប្ផា ដើម្បីជួយលើកកម្ពស់សេវាសុខភាពឥតគិតថ្លៃសម្រាប់កុមារកម្ពុជាទូទាំងប្រទេស និងអនុវត្តបេសកកម្មរបស់មន្ទីរពេទ្យឲ្យមានប្រសិទ្ធភាពបន្ថែមទៀត។

ធនាគារ ប្រៃណីយ៍កម្ពុជា បន្តប្តេជ្ញាចិត្តចូលរួមក្នុងសកម្មភាពសង្គម និងគាំទ្រកិច្ចការដែលមានអត្ថប្រយោជន៍សាធារណៈក្នុងការកសាងអនាគតកំណើតថ្មីៗរបស់ប្រទេស។

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

កែប ថ្ងៃទី០១ ខែវិច្ឆិកា ឆ្នាំ២០២៥ – ធនាគារប្រៃសណីយ៍កម្ពុជា (CPBank) បានចូលរួមយ៉ាងសកម្មក្នុងព្រឹត្តិការណ៍ “ជិះកង់ដើម្បីផ្សព្វផ្សាយអំពីនិរន្តរភាពនៃវិស័យធនាគារ និងការលើកកម្ពស់ប្រាក់រៀល” លើកទី៥ ដែលរៀបចំឡើងដោយសមាគមធនាគារនៅកម្ពុជា (ABC) នៅឆ្នេរអង្កោល ខេត្តកែប កាលពីថ្ងៃទី១ ខែវិច្ឆិកា ឆ្នាំ២០២៥។

ព្រឹត្តិការណ៍ប្រចាំឆ្នាំនេះ បានប្រមូលផ្តុំថ្នាក់ដឹកនាំ និងបុគ្គលិកមកពីគ្រឹះស្ថានធនាគារ និងហិរញ្ញវត្ថុនានា ដើម្បីបង្ហាញនូវឆន្ទៈ និងស្មារតីរួបរួមគ្នារបស់វិស័យទាំងមូល ក្នុងគោលដៅរួម។

 

 

 

 

 

 

 

 

 

 

 

 

 

 

 

 

 

 

 

 

ធនាគារប្រៃសណីយ៍កម្ពុជា ឧបត្ថម្ភ កម្មវិធី “ទិវាសន្សំអាស៊ាន” រៀបចំឡើងដោយ ធនាគារជាតិនៃកម្ពុជា នៅខេត្តកំពត ថ្ងៃទី៣១ ខែតុលា ឆ្នាំ២០២៥ ដើម្បីលើកកម្ពស់ការយល់ដឹងអំពីសារៈសំខាន់នៃការសន្សំប្រាក់។

កម្មវិធីនេះត្រូវបានប្រារព្ធឡើងក្រោមប្រធានបទ “សន្សំប្រាក់ដោយភាពវៃឆ្លាត សន្សំប្រាក់ដោយក្ដីស្រឡាញ់” ដែលជាការអំពាវនាវដល់សាធារណជនគ្រប់រូបឱ្យមានទម្លាប់សន្សំប្រាក់ដោយមានការគិតគូរ និងសម្រាប់អនាគតដ៏ល្អប្រសើររបស់ខ្លួន និងក្រុមគ្រួសារ។