អបអរសាទរសាខាឆ្នើមទាំង១០ ប្រចាំខែកក្កដា ឆ្នាំ២០២១ លើ “ការគ្រប់គ្រងគុណភាពឥណទានបានល្អបំផុត” និង “ការបញ្ចេញឥណទានបានយ៉ាងល្អស្របតាមផែនការដែលបានកំណត់”។ គណៈគ្រប់គ្រងនៃធនាគារ ប្រៃសណីយ៍កម្ពុជា ពិតជាមានសេចក្តីសោមន្សយ៉ាងក្រៃលែងចំពោះសាខាទាំង១៤ រួមមាន៖
- សាខាកាណាស៊ីធី ក្លាយជាសាខាឆ្នើមលើ “ការគ្រប់គ្រងគុណភាពឥណទានបានល្អបំផុត”
- និងសាខា១៣ទៀតរួមមាន សាខាការិយាល័យកណ្តាល សាខាអូឡាំពិក សាខាសុវណ្ណា សាខាសែនសុខ សាខាអូរបែកក្អម សាខាច្បារអំពៅ សាខាទឺកថ្លា សាខាខេត្តកំពង់ចាម សាខាអង្គស្នួល២ សាខាក្រុងបាវិត សាខាស្រុកបាទី សាខាស្រុកត្រាំកក់ និងសាខាស្រុកស្អាង ដែលក្លាយជាសាខាឆ្នើមលើ “ការសម្រេចបានកំណើនឥណទានស្របតាមផែនការដែលបានកំណត់”។
សមិទ្ធផលទាំងអស់នេះ គឺជាមោទនភាពដ៏ត្រចះត្រចង់មួយសម្រាប់ធនាគារ ប្រៃសណីយ៍កម្ពុជា ដែលឆ្លុះបញ្ចាំងឱ្យឃើញពីឆន្ទៈ និងកិច្ចខិតខំប្រឹងប្រែងរបស់បុគ្គលិកគ្រប់រូបក្នុងការបម្រើសេវាកម្មហិរញ្ញវត្ថុជូនអតិថិជនបានយ៉ាងល្អទោះបីស្ថិតក្នុងកាលៈទេសៈណាក៏ដោយ។ នាវេលានោះផងដែរ គណៈគ្រប់គ្រង ក៏បានសម្តែងការកោតសរសើរ និងថ្លែងអំណរគុណដ៏ជ្រាលជ្រៅបំផុតជូនដល់លោកនាយក និងបុគ្គលិកសាខាទាំងអស់ ដែលបានសហការគ្នាក្នុងការអនុវត្តន៍ការងាររហូតទទួលបាននូវភាពជោគជ័យមួយនេះ។ ក្រៅពីការកោតសរសើរ ធនាគារក៏បានប្រគល់ជាវិញ្ញាបនបត្រសរសើរ និងថវិកាលើកទឹកចិត្តចំនួន ២លានរៀលក្នុងមួយសាខាផងដែរ។
