ភ្នំពេញ៖ ធនាគារ ប្រៃសណីយ៍កម្ពុជា បានធ្វើកិច្ចសហប្រតិបត្តិការជាមួយ អគ្គនាយកដ្ឋានគយ និងរដ្ឋាករកម្ពុជា ក្នុងការផ្តល់សេវាប្រមូលពន្ធ អាករ និងកម្រៃផ្សេងៗ លើទំនិញនាំចេញ-នាំចូលគ្រប់ប្រភេទ តាមរយៈ ធនាគារ ប្រៃសណីយ៍កម្ពុជា ក.អ។
លោក តូច ចៅចេក ប្រធាននាយកប្រតិបត្តិ នៃធនាគារ ប្រៃសណីយ៍កម្ពុជា បានដឹកនាំបុគ្គលិកធនាគារ ចូលជួបសម្តែងការគួរសម និងថ្លែងអំណរគុណ ឯកឧត្តមបណ្ឌិត គុណ ញឹម រដ្ឋមន្រ្ដីប្រតិភូអមនាយករដ្ឋមន្រ្ដី និងជាអគ្គនាយកនៃអគ្គនាយកដ្ឋានគយ និងរដ្ឋាករកម្ពុជា និងក្រុមការងារបច្ចេកទេស នាថ្ងៃអង្គារ៍ ទី២៧ ខែធ្នូ ឆ្នាំ២០២២។
ក្នុងជំនួបសម្តែងការគួរសមនេះ ធនាគារប្រៃសណីយ៍កម្ពុជា ក៏បាននាំយកអង្ករចំនួន ១០តោន ឧបត្ថម្តជូនដល់អគ្គនាយកដ្ឋានគយ និងរដ្ឋាករកម្ពុជា ដើម្បីចូលរួមចំណែកក្នុងសកម្មភាពសប្បុរសធម៌ និងកិច្ចការសង្គមរបស់អគ្គនាយកដ្ឋានផងដែរ។
